‘O tiempo passa ‘e và comm’ ‘a n’emozione

pigliata ‘a int’ a nu punsiero strampalato, 

ricord‘ maciullati mo s’ò ombre e suonne do passato.

‘O cielo affesta e na cumeta appicciata è Natale,

ca s’è ferma ncopp’ ‘a na capanna ‘e aspett’ ‘a luce

che scenne pè da calore ‘a l’immenso eterno.

Nu prufumo ‘e festa c’appassiona ‘e ricord’

te tocca e trase pecchè  oggi è ‘a ricurrenza,  

che nasce pè stenner’ ‘a mano ‘a chi

ha bisogno ‘e nu poche ‘e luce,

nu raggio ‘e sole pè s’è scarfà ‘o core.

Nun è n’illusione do cielo stu liett’ ‘e stelle

surrett’ ‘a nu riverbero ‘e luce ch’esce

‘a int’ ‘e nuvole pè da forza ‘e juorne persi,

che comm’ ‘o viento passano pè lascià

‘e fronne secche sotto l’albero d’autunno.

St’aria ntunata de zampogne e campane affesta

accumpagna ‘a vita che corre ‘e pò torna sempe 

pè vestì l’albero ‘e natale c’aspetta,

che ognuno mette ncopp’ chell’ ca tena int’ ‘o core,

ca spuranza che ‘a luce resta mmiez’ ‘a nuje.

                                                  Antonio Fiore

 

Notte, che turmiente ca nun passa maie

int’ ‘a chest’ ‘e quatte mura

addò pure ‘o sole tena fridde.

Pecchè? Stu core s’è persa appriessa

‘a nauciella che è vulato luntano

nda nebbia de punsiere.

Suonne, suonne da malincunia

ca torna cchiù forte,

‘e tu, comm’ ‘a n’aquilone spierso

nda rotta e chistu mare smosso   

nsaje cchiù vulà verso ‘o calore e l’ammore

ca saglie chianu chianu nde ricorde,

‘e riesta luntana  all’orbita do passato.  

Si stata comm’ ‘o male tiempo

che smove ‘e foglie d’autunno,

nu soffio, n’acquazzone, nu raggio e sole,

e po scumpare nde nuvole

addò s’addormano e stagione.

Nu poche luce se ntravede appena

e po svanisce ndo suonno e l’ammore,

ca và e vena pe turmentà l’anema.

‘A notte addò dormene i punsiere te pierde,

nde lenzuola de ricorde p’assapurà e i profumi

do passate ca sò rose e primmavera,

ma ntenano cchiu essenza p’addurà.

Vurrìa ca sta notte se purtarìa sti mille punsiere

ca vonna turmantà st’anema sulitaria e ‘a luce

trasessa pe rimanè pe sempe int’ ‘a caiola

e chistu core ch’è prigiuniero e te,

‘e passe  e juorne  punsanna ca dimane

te truvarìa pe nun murì nda nustalgia de ricorde.

                                                                                                       Antonio Fiore

           (Foto di Antonio Fiore)

Ch’erè sta sera nun te fai verrè

int’ a stu cielo terso i mille luci

e scurniciato ‘a nu punsiero ca ten’ mente

st’uocchio d’allerìa ca da calore

‘a chi sogna e parlà d’ammore.

Vurrìa ca sta notte nun furnessa maie

e tu ncopp’ a stu balcone e rosa senza spine

te spugliasse e nustalgia pe’ correre

nsiem‘ a me int’ e viche de suonne

addò c’è stanne e ricorde do passate

e che nisciune c’è po’ cancellà.      

                                      Antonio Fiore

                                                          (Foto di Antonio Fiore)

Napule, na cartulina addò c’è sta ‘o sole e addore ‘e mare

addò  e canzone so poesie ca sonano che cord’ ‘e nu violino

na musica c’arriva luntana  int’ all’aria co sapore e l’allerìa

addò ‘o cielo se vesta e paraviso quanne fa nott’ e sole

se ne scenn’  arreta ‘a nu sulc’ e acqua all’orizzonte 

addò s’aspett’  ‘a matina pè suntì e cantà n’auciello fora da caiola

‘e nu raggio e sole s’alza arreta  ‘a sta muntagna

pè scarfà a chi nun tena forza e vulà

ncopp’ a chistu mare che cchiù niente c’è po dà. 

                                                           Antonio Fiore    

Me lasciato ch’ero ancora piccerillo

‘e tutt’  e notte a int’ o suonno

chiammavo a te p’avè nu poch’ e cumpagnia,

me vutavo e me geravo ma te sentevo

sempe cchiù  luntana.

‘A vucella mia ancora mo int’ a  stu mumento

vola luntano a te cercà mammarella mia;

‘a sera int’ o lietto sento ancora ‘a voce da creatura

ca chiamma ‘a mamma pe sentirse raccuntà 

‘a favole e pinocchio pe s’addurmì.

Songhjuto ‘a scola e nu sentevo vicina a me

o calore e mamma ca m’accumpagnava;

‘o professore m’accarezzava e capille

guardanneme int’alluocchie  pe me dicere:

che pena sta creatura.

So cresciuto purtann’ a te int’ o core,

quando songhe stato malaticcio

chiammavo a te pe nun suffrì,

ma sulo ‘o piacere e dicere ajùteme mammà

me faceva sentì cchiù forte e cchiù sicuro.

Ho saccio a colpa nunn’ è  a toja,

Dio ta voluta vicina isso; 

si stata n’angelo ncopp’ a sta terra,

e comma ‘a  tutt’ l’angeli ca stanno ncielo

p’aiutà o munn’intero.

Grazie a Dio mo numme manca niente,

sulo ‘o bene e mamma e niente cchiù;

cririme mammà nunn’ è stata facile

vivere sta vita senza e te,

ma dopp’ tanta sofferenza oggi riesc’ a essere

fulice comm’ a tutt’ e guagljune e chi stu munno,

pecchè tu do cielo me si stata vicina cchiù e tutt’ e

mamme e ncopp’ a sta terra mise nsieme.

Mamma’  te  voglio  dicere  che

“’O bene e mamma e’ cchiù grande do bene e Dio”,

nu bene che nun se venn’ e nun se presta

ma  è bene che se porta int’ o core e tutt’ e figlie.

Antonio Fiore