Lacreme d’ammore

‘O ssaccjo ca ‘e llacreme amare
nun riegneno ‘o mare,
ma dicell’ tu ‘o core
quanne chiagne p’ammore.

Vurria ca ‘o tiempo se fermasse pe’ n’ora
quanne e suonne so luce d’ammore
e ttu si nu raggio ‘e sole ca trase int’ ‘o core.

Stasera pur’ ‘o viento è sunatore
e ‘o silenzio è cantatore,
quanne int’ ‘o core
‘e punziere so canzone ca cantano ammore.

Strignet’ ‘a mme ancora pè ‘na notte
comm’ ‘e stelle se stregnan’ ncielo
pe’ dà luce ‘a terra fino ‘a quanne
‘o sole se sceta de suonne pe’ dà calore ‘o core.